Кыргыз Республикасынын Президенти Садыр Жапаров бүгүн, 25-апрелде, «Туруктуу өнүгүү үчүн Глобалдык тоо диалогу: Бишкек+25 Саммитине карай» эл аралык конференциясынын экинчи күнүндө дарак отургузууга катышты.
Тянь-Шань карагайынын көчөттөрүн отургузуу аземи эл аралык конференциянын жогорку конокторунун катышуусунда «Ала-Арча» табигый паркында өттү.
Иш-чара өткөн жерде тоо продукциясынын жарминкеси, ошондой эле кыска концерттик программа уюштурулду.
Мамлекет башчысы жана урматтуу коноктор өлкөнүн бардык областтарынан келген продукциялар менен таанышкан көргөзмө павильондоруна барышты. Бул жерде улуттук суусундуктар, дарылоочу жана чай чөптөр, жүндөн жана кийизден жасалган буюмдар, салттуу кыргыз таттуулары — боорсок, бал жана башка көптөгөн продукциялар көрсөтүлдү.
Катышуучуларга урмат көрсөтүү жана кыргыз коноктоочулугунун рухунда Президент Садыр Жапаров катышуучуларга символдук белектерди тапшырды: эркектерге — салттуу ак калпак, аялдарга — улуттук баш кийимдер жана кыргыз кийиминин элементтери.
Иш-чара дарак отургузуу аземи менен аяктап, бул Глобалдык тоо диалогунун катышуучуларынын айлана-чөйрөнү коргоодо жана тоо аймактарын туруктуу өнүктүрүүдө биримдик аракетин символдоштурду.
